სიახლეები

22 აპრილს ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტის გლაციოლოგიის მიმართულების ასოცირებული პროფესორის, ლევან ტიელიძის ავტორობით გამოქვეყნდა რეგიონული კვლევა "Post-Little Ice Age Equilibrium-Line Altitude and Temperature Changes in the Greater Caucasus Based on Small Glaciers"  ჟურნალში  "Remote Sensing".

 "Remote Sensing" მსოფლიოში ერთ-ერთი პრესტიჟული აკადემიური ჟურნალია მაღალი იმპაქტ-ფაქტორით (5-year Impact Factor - 4.9) https://www.mdpi.com/journal/remotesensing/history

კვლევის თანაავტორები არიან: ენდრიუ მაკინტოში, ალექსანდრე გავაშელიშვილი, ლელა გადრანი, აკაკი ნადარაია, მიხეილ ელაშვილი.

კვლევა, რომელიც ჩატარდა 12 სხვადასხვა მყინვარიდან მოპოვებული მონაცემთა ნაკრების საფუძველზე, ეხება კავკასიონის რეგიონში მცირე მყინვარების (~≤2 კმ²) მიხედვით კლიმატისა და მყინვარების ცვლილებების შეფასებას ბოლო 200 წლის განმავლობაში.

ავტორებმა მყინვარების ცვლილებები მორენების ანალიზის, ისტორიული რუკების, სატელიტური სურათებისა და რელიეფის ციფრული მოდელების საფუძველზე აღადგინეს. ამასთან გამოიყენეს ELA-ის (Equilibrium-Line Altitude) რეკონსტრუქციის მეთოდი, რათა განსაზღვრულიყო თოვლის ხაზის ცვლილება და მასთან დაკავშირებული ტემპერატურული დინამიკა 1820-იანი წლებიდან დღემდე.

კვლევის მიხედვით, 1820-იანი წლებიდან დღემდე რეგიონის მცირე მყინვარების საერთო ფართობი თითქმის ორჯერ (−49.2%) შემცირდა, ხოლო თოვლის ხაზი საშუალოდ 180 მეტრით აიწია, რაც <1.1 °C-მდე გათბობას შეესაბამება. ყველაზე ინტენსიური კლება დაფიქსირდა ბოლო 60 წელიწადში, რაც ხაზს უსვამს კლიმატის ცვლილების მზარდ გავლენას მაღალი მთის ეკოსისტემებსა და წყლის რესურსებზე.

პუბლიკაციას გაეცანით ბმულზე: https://www.mdpi.com/2072-4292/17/9/1486

2025